其實自己想攪好來，但一直冇時間。近期多左時間在家工作，可以set up. 現在還在進行中，希望2021年頭可以正式開始。
2020年12月14日星期一
賣樓（續集1）
上一篇《賣樓》講到地產代理提出的三贏方案，其實都是大家都共贏。
讓我重複番地產代理提出的方案，是咁樣的：就係新買家用交吉形式買物業，成交後即日當新業主租比我租客，這樣對我來說，成交前我亦照常有租金。對租客來說，租客照常租用單位，不用搬屋費，再比錢agent 搵租盤。對新買家來說，雖然遲了入住該單位，但同時，新買家可以收住租金先。
當中有四個parties. 賣家即係我，租客，買家，同地產代理。先講地產代理，他可說是處於最好位置，因為當我們都跟此方案進行，他就可以收雙方佣金了。所以他是此方案的既得利益者。
對於租客，因為地產代理話會免費幫租客處理新租約，所以租客可以免去再搵其他地產代理，再搬屋的費用。租客也是贏家。他當然會接受此方案。
對買家來說，如果他本身已經係打算買來收租，買家可以慳了地產代理搵租客的費用。成交後立即有租客也對他有好處。不過租客不是他搵，對於他來說租客是否準時交租，是否好租客，確實另他擔心。他又可能諗我作為賣家是否因為遇到懷租客所以賣樓？呢個的確是他的風險。
如果買家真係用來自住，他先放租一年，才取回單位自住，也有可能租客未能及時搬走，他也會失預算。好處方面，租客的租金也是可以幫忙他供樓的。但萬一，租客不交租，如果買家現在也是租緊樓住，他的現金金流大受影響的。如果買家實力唔夠斷供層樓，咁就麻煩。所以我自己唔覺得對買家有利。
對於我作為賣家，下篇再講。
2020年12月3日星期四
2020年11月19日星期四
賣樓
最近成功放賣收租樓。不過都有些經歷分享下。話說自己大約兩年前已經開始留意自己層收租樓個價沒有什麼升幅，加上2019 - 2020年多事之年，估計短時間內樓價向下機會比向上大，所以心大心細打算賣樓，。
咁咪去地產代理放盤先，睇下場市反應再決定。的確大半年前市場係冇乜反應，問價既人都不多。咁樣咪收住租先law, 反正自己賣唔賣層樓都係15,16，到現在都唔知自己決定是否正確。
過左三，四個月，終於有個人出價到達自己目標，須要交吉，這刻立即出現一個問題，立即簽臨約？三個月成交？四個月？因之前未有真正同租客傾過詳細安排，只係提過會有機會賣樓。於是立即打比租客，他表示要最少四個月才可以走，因為他說自己最近好忙，須要搵樓。
這答案令我非常不安，因為如果我簽了約，最後不能交吉，或遲了交吉，我會非常麻煩，有機會要支付賠償。
當時諗到唯一方法只有終止租約先，之後才簽臨約，這才安全。對買賣雙方都有保障。
當然故事結局不是這樣。地產提議一個方案，三贏方法。就係新買家用交吉形式買物業，成交後即日當新業主租比我租客，這樣對我來說，成交前我亦照常有租金。對租客來說，租客照常租用單位，不用搬屋費，再比錢agent 搵租盤。對新買家來說，雖然遲了入住該單位，但同時，新買家可以收住租金先。的確好像是完美方案。
不過這睇法只係地產代理認為好方案，最後雖然都係行這方案，但係咪係對大家都好呢？下篇再講。
2020年11月12日星期四
期權策略的死穴
在［贏粒糖輸間廠最後都可勝出]篇文章講到當時大約有90%做期權會勝利，10%會輸。如果贏，平均每次贏$1, 如果輸，平均每次輸$3。長玩下去，必然賺錢，因為expectancy 大約有3 ((0.9x1)/(0.1x3))
經過一段時間考驗，現在大約有87%會贏，13％會輸，如果贏，平均每次贏$1,如果輸，平均每次輸$3.75。看似與前幾個月既數據差不多，但個expectancy 已經大跌到1.78 ((0.87x1)/(0.13x3.75)) 下跌了40.6%。雖然長期玩下去亦都會賺錢，但唔去搵出下跌原因及早修正，到expectancy 跌至1既時候，咁到時不如直接去賭大細，慳返D心力。
自己近排留意到，每次輸錢由$3 去到$3.75其中一個原因係不採用自願性止損，而採用情緒性止損。即係明明自己制定左unrealized loss去到expected profit的3倍，但自己冇執行，反而等到let say - $5, 自己已經太恐慌，然後情緒性止損。
其實背後令自己近排猶豫執行自願性止損係因為自己早些時間經歷左自願性止損後，第二天立即由虧轉盈。而且不止一次。
而真正死穴係，正股第二日開市gap down or gap up, 所以根本冇辦法按自己設定止損，就好像前天一開市，option已經-$12 至-$15不等, 比我原定止損-$3，多好多倍，當天我冇止損，昨天已經又回復正常，由虧轉盈。
原來自己用的策略不確定性很高，其他情況不變下，只要如果輸錢，每次輸$6.7,長玩下去，只有輸錢。而是最難控制，就係平均每次輸錢的金額。
2020年11月11日星期三
主動與被動操作
記得自己第一次投資股票，係當時既新股中國中鐵(0390)。當時一買就升，第一個感覺係投資不是太難，亦都偏向去想，股票大部份時間都升，小部份時間跌，至少當時未曾經歷過大跌市。
之後工作太忙，就聽人講投資基金啦，新興市場什麼BRICK金磚五國既基金，於是去投資，一個2008年金融風暴，基金大跌。亦都係第一次輸錢。之後都有買股，有買輪，買債，買reits, 玩期權，但都係輸多贏少。今年三月前都係打過和。
今年三月市場大屠殺，自己都元氣大傷。當時我覺得係因為未能正確擇時進出，未能正確選擇股票，及過度leverage.
就係知道自己未能正確擇時進出市場，同埋自問自己唔識選股，在四月開始用試用指數化ETF投資，直至現在, 相對自己主動選股，擇時進出既倉位作比較，被動式投資簡直係完勝。其實都幾 諷刺，自己既努力，又睇財報，又計機會率，又set止賺止損，又用策略，又定期review策略希望有更好回報，但都比不上合埋隻眼，不用分析只買指數化ETF來得好。
尤其是經過九月尾到現在股市的波動，及板塊輪動，指數化投資在我而言確實有可取之處。如果考慮埋時間，心力，風險等因素，指數化投資更合適我自己。
現在思考緊，是否可以用指數化ETF加期權策略，做更好回報呢？
2020年11月10日星期二
倖存者偏差
聽到綱上有人提到一本書叫fooled by randomness。之後再上網搵一搵資料，亦有D雞精包，只須短時間就可以大約掌握書中的內容。當中提到survivorship bias，應用於投資是合適？值得諗諗。
書中提到有個年青人因為玩俄羅斯輪盤而贏得巨額金錢。因為他非常成功，所以之後他教人怎樣玩俄羅斯輪盤致富，怎樣在開槍前拍三下手或轉三圈，這樣就可以勝出，不致送命。當然用常理去諗，他應該係幸運而不是靠技術。
另一個例子係有隻猴子蒙上眼睛，擲飛標選股票，之後就跟擲中的股票去買，然後賺大錢。猴子覺得自己非常利害，於是教其他猴子擲飛標致富。
年青人同猴子覺得自己靠技術而賺大錢。外人睇，他們應該係幸運多於技術。在投資市場既參與者又係唔咁呢？自己覺得自己用技術贏錢，但原來係幸運所以贏錢？我都唔知道。巴菲特是否倖存者？他一定有技術，有知識，但這技術和知識與他買的股票上升是否有必然的关系？或是他超級幸運及超有技術，所以才有這樣的結果？類似他的價值投資者有他這樣成功數目應不多，至少我身邊沒有這些人，我身邊朋友也沒有。這是否又可以推論他們成功確是有幸運原素在其中？又或者如果自己有這些必賺技術我都唔會講比人聽。
如果有大數據，可能真的有答案。相反，眾多投資者中應該總有些玩俄羅斯輪盤的年青人和猴子參與其中。
Survivorship bias令我諗，現在做父母投放資源用於培育下一代，希望他們有好學歷，高技術，將來在金錢上冇憂。但我覺得幸運沾了大部分因素。正所謂，一命二運三風水四積陰德五讀書。古人也都認為自己努力成效，不及上天給予來得有效。這亦都係古人的統計的大數據。
2020年11月5日星期四
2020年11月2日星期一
現金流倉(11）
2020.10.31
NAV: $88.43 (1.44% decrease)
Total portfolio: $55.45
Cash: $32.35
Dividend + interest: $0.03
Realized option: $1.33
Total passive income: $1.36 (~18.39% p.a.)
今個月期權策略表現穩定，希望可以keep到。近月尾開始減少開倉，因為美國大選將近，市場波動，VIX去到差不多40。幸運地自己減少開倉，同時間亦避開了10月尾大跌所引發損失。當然，自己正股及指數ETF持倉免不了有unrealized loss. 始終，擇時進出股市係相當困難的技巧，要持續正確進出須要大量運氣。
2020年10月30日星期五
2020年10月28日星期三
正確的答案
剛出來社會工作，老前輩有次問我們一班後輩一個問題，問題是這樣的：大老闆有一個難題，你會選擇什麼答案回答？1.正確的答案，2.多人決定的答案。
當然我們一班後輩都有不同選擇，而我當時選擇了1.正確的答案 。老前輩對我的回應是：哈哈，小心啦，你選正確的答案，可能死左都唔知到發生什麼事。你們一定要選擇多人決定的答案，因為如果要死都有人一齊去面對。唔係自己一個。
工作經驗多了，現在更加了解老前輩的話。但在投資世界裡，是否也是一樣？如果一支股票，就是現在的新經濟股，我的確冇能力去知道這股票的正確價值。但假設我有能力知道某股票的真正價值，值$100，而且有少數人亦知道，而大部份人覺得這股票值$200，我為何不跟大部分人的意見？只要有能力知道這股票真正值$100的人還是少數。這不就是空中樓閣理論，不須理會自己買入的股票遠高於自己覺得的價值，即係不須理會自己是否做左傻瓜，只要有信心揾到一個比自己更傻的傻瓜便可以。但重要既係，當大部份既人覺得價值得$50，咁自己要轉身快，這樣就安全了。
最後想講講，老前輩問問題當天，我們一班後輩大部份人都選擇了答案2，其實當天一班後輩選擇的答案已經證明左了正確的答案係答案2，因為大部分人都選擇答案2。
2020年10月6日星期二
現金流倉(10）
2020.9.30
NAV: $89.71 (including $14.29 cash input, 9.22% increase)
Total portfolio: $59.02
Cash: $30.65
Dividend + interest: $0.25
Realized option: $-4.76
Total passive income: $-4.51 (~-60.32% p.a.)
8月大賺既錢9月輸曬。今個月做止損做得非常刺激，有点像中左蛇毒後，為保命，自己親手斬左隻手咁刺激。止損時有点莫名其妙的興奮，可能係太刺激了，太違反人性了 。好在止損屬於自願性，而唔係情緒性止損，後者係事前未有止損策略。
始終都相信，要賺取比市場回報高的回報，就必然要承受高於市場的風險。唔知有冇什麼策略可以賺取比市場高的回報，但可以只係承受市場既風險。
2020年9月2日星期三
2020年8月25日星期二
Long put 策略之反思
在<Long put 的策略>一文中，有提到自己用做SP既反向思維去做Long option, 發覺唔係好work。
直至現在做Long side option既總利潤都係好少。未能做到自己預期。原因主要係好難捕捉到極短時間內的走勢，自己用的技術分析在極短走勢下失效，所以我暫時都係停一停這策略，諗一諗。
2020年8月11日星期二
科技進步與巴別塔
聖經創世記11章有提及一件事績，就是巴別塔事件。話說事情發生在挪亞方舟之後。當時天下人都用同一語言，講同一種話。人類開始自高自大覺得自己了不起，於是商討打算建造一座塔（巴別塔），可以高聳入雲，這樣就可以揚明天下。上帝為免他們為所欲為，於是變亂他們囗音，使他們言語不通，並且分散他們在世界各地，他們便不再建造這塔。
現今科技進步，語言已經越來越不是障礙，因為就算我唔識某種語言，也可以利用翻譯技術，將某種語言轉換成自己的母語。相信不久將來我們可以佩戴一些裝備，一個不懂我們語言的人也可以非常準確及即時明白我們說什麼。到那時其實不須再學習外國語言，因為我們只要有這個翻譯裝備就可以無障礙地溝通。不單止言語上的一體化，大家互相溝通及合作也沒阻隔。到那時，我們會否好像古時的人又再商討建造一樣東西，揚明天下，之後上帝又出手打破我們的溝通？定係其實我們都比較難合一去建造另一座巴別塔？因為我們人類因為種族，因為階級不會大家合作，所以才會有戰爭，不論係實體戰爭或經濟戰爭，更加不用說再打算建造另一座巴別塔
2020年8月3日星期一
2020年7月30日星期四
贏粒糖輸間廠最後都可勝出
做期權Short倉, 好多人都話會贏粒糖輸間廠。真的嗎？已我自己經驗是真的。咁点解又有人做？我估因為勝率比較高，不過咁講又好似太空泛 。
我在[技術操作(2)] 這文章都提過，我自己做期權勝率大約90%,失敗率大約10%, 平均每次贏錢對輸錢大約1：3，即係平均每次贏錢有$1,輸錢就係$3。暫時來說整體還是贏錢。
其實做short option, 最多贏幾多錢，交易果一刻已經定左。但輸幾多，理論上可以輸無限。就係因為咁，做short option 注意力要放在止損，交易前要計好止損位，要做到輸都輸不會太多。我自己定左要輸就要3粒糖價值既廠，所以雖然理論上Short option如果輸可以輸無限，但其實好多時自己可以控制輸多少。當然如果在開市前正股價跳空，而令到short option損失超過自己一早定好的止損位，就唯有接受。而唯一補救方法就係定期權策略時，將勝率定在80-90%。暫時來說，我的策略重係work
自願性止損一定會好過情緒性止損。前者係事前已經有心理準備而且係計劃好，而後者係當虧損到達一個点而令到自己不能再接受再多的虧損而決定止損，當中充滿負面情緒，及被動。對於控制自己投資portfolio加入左超級大的不確定性。
2020年7月17日星期五
Long put的策略
自己在期權策略上主要以Short position 為主，Long position 較少做除非自己都肯定正股有明顯升或跌勢。
假設我做了SP, 我的對手就係同一行使價，同一到期日做LP的人。
我希望張put option越來越少價值，這樣對我有利。相反做LP的對手(假設佢唔係做LP用來做保險）佢希望張put option越來越貴，甚至由價外變成價內。這遊戲唔係我贏佢輸，就係佢贏我輸。
在講做LP既策略之前，我講下我自己或者係好多人做SP時, 最好有以下全部或者部份既有利條件下才做。
1.正股早前已經大跌，好快會跌定，所以個IV還是很大，估計IV很快會變細。
2.做些較近到期的SP, 因為時間值損失比率較大
3.做完SP會盡量放到到期，除非非常短時間內已經有可觀既利潤。
4.做比較價外的SP, 因為希望不要入價，變成價內。
以上你做SP有利的條件，所以如果做LP就不要在以上的情況下做，相反以上條件來做LP, 比較有利
1.正股還平穩，估計好快會大跌。個IV還是很細，估計IV很快會變大。
2.做些較遠到期的LP, 因為時間值損失比率較少
3.做完LP最好短時間內平倉。
4.做比較輕微價外的LP, delta大約-0.4, 因為希望入價，變成價內。
暫時用以上策略做LP都有点成績，不過最難判斷係第一個條件，也是對LP來說最重要的條件。而且因為做LP既次數比較少，要有咁上下sampling 才可以知道這策略work唔work
2020年7月15日星期三
為股票/SP 買保險
我年青有做運動，而且唔煙唔酒唔粗口沒病沒痛，生活規律又節制，工作上又沒有什麼危險（例如做地盤，現在做醫護人員就危險）,所以沒有什麼須要買保險。
但係意外就係意外，沒有辨法估計，所以買保險在某程度上或對大部分人是須要的，買保險係將風險交比保險公司的費用。如果個人本身已經好有錢，私家醫院醫療費用只佔他好少既費用，而且他有豐厚身家比下一代，其實他沒有什麼大風險，因為他沒有因為醫療費高昴，未能接受最好醫療的風險，他也沒有因自己離世，親人生活困難的風險。
在股票市場上也一樣，如果買左隻股票/SP 佔自己好大倉位，（即係股票上落大時，食不安坐不落）咁可以買入put option, 對沖股票/SP 下行之風險。買幾多就按自己可以接受程度也可以。LP較近正股價會較貴，保護程度也較高，不過假如到左到期日，正股平安冇事，這個LP保險費就冇左。看似已經損失，但其實LP個費用就係在某時段內保正股平安，係非常有用，唔係冇用。
至於幾時買好呢？買保險當然在年青時，沒病沒痛時買啦，相對平D。做LP買保險也一樣，當買入正股/SP時，立即做LP相對之後正股/SP下跌時買好D，平D。當正股/SP向下跌, 即係等於身體狀況向下，在同一保障下，保險公司也會收多D保險費。
例如在13/7, 當時Tsla 正股大約1750, 開 1張31/7到期的SP1650, 收權金usd13200, 如果當時買保險LP1450 付出Usd5400, 剩收入usd7800.最大損失為usd12200
到14/7 tsla 正股在1510, SP1650已經有unrealized 虧損, 如果當日先買保險LP1450, 付出就係usd14600, 已經加價了。
當然正如有些人本身身家厚，其實也可以不用買保險。
2020年7月14日星期二
技術操作(3）
近排美股個升勢，真係勢不可擋。如果好肯定個勢頭，不論升或跌，可以用long option. 成功率會大大提升。long option 係贏間廠輸粒糖，不過輸既機會比贏既機會大好多好多，所以要小心控制注碼。
舉個例子，昨晚13/7, Tsla, 一開始已經高開，見有個升勢起度，在1751.01時LC 1900, 在1561.46時平倉，賺USD425 (未扣手續費，不過都係usd1-2)
比較用LC, 或是用正股邊個好D，可以睇下以下分析：
條件1. 正股由1751.01 升到1761.45
條件2. 以大約相同付出的金額計算
如果買入38股正股， 須要費用usd66,538.38, 會賺usd397.1,有大約0.597％
如果10x LC1900, 須要費用usd65,750會賺usd4250, 有大約6.464％
表面看，用LC 既方法，是可取的，但我們必須考慮風險。即使看到升勢，我們不能100%肯定正股一定會上升，如果唔知什麼原因不升反跌，用LC跌幅也會放大，令一因素要考慮係，到期日時，LC價值會變0,而正股就還有價值（當然大前提係正股還未倒閉）。
14/7早上起來，Tsla 已經係1529, LC1900已經變成usd17.95。如果昨晚沒有即時take profit, usd425, 現在已經有usd4780 既unrealized loss. 這是否我即操作技巧利害？一定唔係，只係好運。
2020年7月2日星期四
2020年6月23日星期二
技術操作(2)
期權是一種好好既工具，唔知大家怎樣用期權賺錢呢？我分享一下小小自己既策略。
我主要用係做SP為主，間中會用下debit spread。做SP，會做一至兩星期到期的option. 參考每隻正股的IV，之後計算出80%不會跌破的價錢。以TSLA為例，今日是23/6，未開市前的價949.32, 2/7的 IV ＝57. 1%, 經計算，80%機會2/7不會跌破位置是859.11。請注意，23/6到2/7之間係有機會跌破859.11,這80%係2/7收市價不會低過859.11的機會率。所以適當的margin ratio是必須的。
弟二部就搵最接近859.11,所以就決定860,而且這個價錢自己也覺得萬一TSLA, 會跌破859.11也樂意接貨。期權金有 usd395. 平均每日有usd44。
第三部當然係決定幾時平倉，我自己就以大約每星期尾，如果SP已經賺超過一半，我就平倉。當然如果今日做SP, 明天已經有30-40%profit,就一定平倉，因為時間過左一日，都係過左11%,而profit有30-40%
自己统計過，這方法贏率有90.69%,敗率9.31%, Profit比loss:1:-3.41。所以長期用此策略做SP, 係會贏，但最重要係當SP的unrealized loss到-3.41水平時要考慮是否要立即平倉，同時當SP的unrealized profit盡量要到1的水平，才take profit
2020年6月12日星期五
投資者的3位重要朋友/老師(3)
第三位朋友好博學。他是一位老人家，年紀非常大，他會說過去歷史，你問他過去發生什麼事，他可以準確給你答案，但問他將來，他一句也不講，不會給你預測。他就是歷史先生。
過往投資表現，不代表將來表現，我想大家都知道，但歷史也有其價值。如果不考慮歷史數據，大部份技術分析也使用唔到。歷史也告訴我們，股災出現及形成，有好都係重覆歷，例如幾百年前開始，人們集資出海去發掘新土地，人們集資建造鐵路，人們集資去發展科技，大衆都對這些事好有憧憬，所以投資這些公司股票，因為他們覺得這些事件將來會好有價值 ，於是一咼蜂追入投資。股票暴升後，爆破。歷史不斷重複。
歷史也可以應用於期權策略，只要有足夠數據，找出過去在某一時段有幾多percentage 會升穿，或者不會升穿某價錢。咁就可以用debit spread or credit spread 做策略。
都係果句，過往投資表現，不代表將來表現，所以都係參考歷史先生講既野，不可用來100%預測將來。
2020年6月1日星期一
2020年5月27日星期三
投資者的3位重要朋友/老師(2))
續回報小姐後，另一位朋友/老師要去認識就係佢。其實他真係不太起眼，可能他樣子太普通，見過他幾次也會忘記他的容貌。好多人都覺得他講既野都果D，沒有新意，基本上他未開口說話，已經估計到他會說什麼。所以大多數人都忽視他，又或者覺得自己比他更了解投資，所以其實都不須他提点，沒理由去聽一個投資技術不高既人的意見去投資吧。又有些人知道他說的道理，會跟他討論，但總覺得他太保守，膽子太少而且消極。又有些人同他一起覺得好安全，因為聽他的道理去做，真的不會受傷，而且當見到其實人在投資路上受傷，就會高興認識到他，有種見人PK最開心的感覺。他是誰，他就是風險先生。
投資要講風險，大家一定聽得多。我見到有些人會忽然風險的嚴重性，因為回報已經影響到合理的判決。正所謂fear of missing out 常常在升市時出現，所以有些人會見到[好］既投資物物時，立即投入資金希望在相對底位入市，以及怕不入市會之後大升市，但往往好多時會輸錢。因為好多人目標係在底位入市，在高位出貨，呢個係回報小姐的策略。如果考慮埋風險先生既策略，除了在計算自己可受風險外，應該在相對低風險時入市，在高風險時出貨。例如投資時考慮埋市場恐慌指數，是否在牛市等因素。至於完全怕風險不投資也不可取，因為在現時貨幣大貶值的環境下，不做適當合適自己的投資，只會被減低自己資產的價值，例如10年前有40萬，當時可以當首期買到樓，現在有40萬，同一層樓已經買唔到。
最後一位要認識的朋友/老師在下一篇文章介紹
2020年5月22日星期五
投資者的3位重要朋友/老師(1)
投資者必定要認識3位非常重要既朋友/老師，如果只認識其中一位而唔去認識其他，在投資路上未必走得好遠，一係跌傷，跌死或者原地踏步。
今日為大家介紹第一位朋友/老師，大家都好熟悉，她年輕貌美，與她一齊聽她說話大多人都覺得非常開心。她善解人意，大多數時間講的，都係將來点好，說話肯定，她常說如果跟她行投資路會有多美麗，雖然有時都知道她講的有跨張成份，但好樂意跟她一起走，幾本上如果沒有她一起走投資路，投資者就不會行。仲然好多人與她行過一段路，發現真實情況大都不是她早前講的那麼好，但是好多人都好願意與她再走下去，因為覺得她所講的將來一定兌現。而且她好似明星一樣好多媒體會報道她，見到她，她就是回報小姐。
投資者一定會睇回報，而且也是因為有回報所以才會投資，如果覺得將來冇回報，當然就唔去投資。回報大多數會係投資者第一個焦點，但只係考慮回報，就決定投資會非常危險。而且回報係未來既事，未必一定會有，如果一定或者好大可能會有，回報可能已經不多，因為好多人都會因此去做這個投資，接著投資物會有溢價，從而令到回報減少（大前提係市場已經或者非常有效率）。
下一篇文章會再為大家介紹另外在投資路上要認識的朋友/老師
2020年5月4日星期一
2020年4月17日星期五
期權的反思(3)
好多人話：SP大部分時間都會贏。以我經驗，自己統計，我真係佔左90%以上時間係贏。但如果計埋剩下10%，總投資當然係輸。為何會這樣呢？
由Feb18 發生嚴重虧損後，我開始做股票期權，Feb18係做指數期權。到May19已經追回虧損，用左15個月。之後到Jan 20 都係大賺。不過到了Mar20已經輸凸(如果唔計Feb18那次大大虧損，總數都係賺）。
根據我既統計，由Mar18到Mar20, 不計我Feb18果次大虧損，合共做了598次options, 當中只有54次輸錢，佔了9.03%。有 544次贏錢佔了90.97%。
544次合共贏了$100，即係每次贏$0.184。54次合共輸了$87，即係每次輸$1.61。每一次贏比每一次輸係1:8.76。
總括而言，每一次做short option有大約90%會贏，有大約10%輸。而贏1$亦同時承受會輸$8.76既風險。
這就是我兩年內的成績。
由Feb18 發生嚴重虧損後，我開始做股票期權，Feb18係做指數期權。到May19已經追回虧損，用左15個月。之後到Jan 20 都係大賺。不過到了Mar20已經輸凸(如果唔計Feb18那次大大虧損，總數都係賺）。
根據我既統計，由Mar18到Mar20, 不計我Feb18果次大虧損，合共做了598次options, 當中只有54次輸錢，佔了9.03%。有 544次贏錢佔了90.97%。
544次合共贏了$100，即係每次贏$0.184。54次合共輸了$87，即係每次輸$1.61。每一次贏比每一次輸係1:8.76。
總括而言，每一次做short option有大約90%會贏，有大約10%輸。而贏1$亦同時承受會輸$8.76既風險。
這就是我兩年內的成績。
2020年4月16日星期四
投資新看法
2020年Q1，對於好多投資者都有好深刻既經驗，包括我自己都覺得真的不容易過。聽聞（應該唔使証明）好多人既身家都少左，只係大家個幅度有唔同，而在未來，大家身家又可以回復多少？又係幅度問題。
最近睇見一本好書，叫做The four pillars of investing, 中文叫投資金律，由william bernstein寫，當中有不少啟發，我分享一下：
市場上有兩種投資人，第一種係主動型，第二種係被動型。主動型投資人會主動選擇投資物，例如現在大家都普遍認為5G,科技股，雲業務將來會有好發展，於是主動選擇這些標的去投資。又例如某某基金，主要策略去投資新能源，於是主動投資人去選擇這基金。
被動型投資人只會投資整個市場，不會主動選股或債，所以會用基金或ETF去投資全球指數(指數會用於benchmark 某股票，或基金的表現。高過就係跑贏大市，少過就跑輸大市）。所以最後被動型投資人一定得到大市回報。（等於不輸不贏）
他的理論是這樣的，主動型和被動型投資者的總回報會等於大市回報。當中有小部分主動型投資者會跑贏大市，大部分主動型投資者會跑輸大市。但這兩班主動型投資者的總回報亦會等於大市回報。這解釋左点解見有D人在股票市場選中股票贏大錢，同時大部份人都輸錢。
這些已經跑贏大市既主動型投資者要每一次都要跑贏，人數會非常非常之少，所以最有錢既人係非常小數。作者又提到，為何這個非常小既人一定係自己？而大部份輸錢既人唔係自己？
作者認為被動型投資人回報很不錯，他在書中也舉左不少歷史fact check.。
如果要用很多努力，又要承受較多風險，才有機會跑贏大市，或者大多數機會會跑輸大市。倒不如不用努力而得到市場回報，作者大約是這樣想。另一角度去睇，如果選擇做被動型投資人，損失係沒有賺大錢機會，如果選擇做主動型投資人，有機會損失金錢。這亦是他在書中提到一個十七世紀的法國數學家講既asymmetric conseqence.
最近睇見一本好書，叫做The four pillars of investing, 中文叫投資金律，由william bernstein寫，當中有不少啟發，我分享一下：
市場上有兩種投資人，第一種係主動型，第二種係被動型。主動型投資人會主動選擇投資物，例如現在大家都普遍認為5G,科技股，雲業務將來會有好發展，於是主動選擇這些標的去投資。又例如某某基金，主要策略去投資新能源，於是主動投資人去選擇這基金。
被動型投資人只會投資整個市場，不會主動選股或債，所以會用基金或ETF去投資全球指數(指數會用於benchmark 某股票，或基金的表現。高過就係跑贏大市，少過就跑輸大市）。所以最後被動型投資人一定得到大市回報。（等於不輸不贏）
他的理論是這樣的，主動型和被動型投資者的總回報會等於大市回報。當中有小部分主動型投資者會跑贏大市，大部分主動型投資者會跑輸大市。但這兩班主動型投資者的總回報亦會等於大市回報。這解釋左点解見有D人在股票市場選中股票贏大錢，同時大部份人都輸錢。
這些已經跑贏大市既主動型投資者要每一次都要跑贏，人數會非常非常之少，所以最有錢既人係非常小數。作者又提到，為何這個非常小既人一定係自己？而大部份輸錢既人唔係自己？
作者認為被動型投資人回報很不錯，他在書中也舉左不少歷史fact check.。
如果要用很多努力，又要承受較多風險，才有機會跑贏大市，或者大多數機會會跑輸大市。倒不如不用努力而得到市場回報，作者大約是這樣想。另一角度去睇，如果選擇做被動型投資人，損失係沒有賺大錢機會，如果選擇做主動型投資人，有機會損失金錢。這亦是他在書中提到一個十七世紀的法國數學家講既asymmetric conseqence.
2020年4月2日星期四
期權的反思(2)
續前一篇文章，如果用少許價內及極短期既SP去買貨，又會点呢？
（寫作日期：31/3/20下午）,現在MSFT $163.8, 如果現價覺得合理接貨 ，可用3/4 到期165 SP, 先收權金$6.86。如果3/4股價去到170.66, 不論用SP或以$163.8在31/當天直接買入，同樣都係賺$6.86。
如果3/4股價高過$170.66, 31/3當天直接用$163.8買入正股會著數D。
假設3/4股價跌到$158.14, 用SP買股沒有賺，沒有蝕，如果在31/3用$163.8買入正股，3/4 就會蝕$5.66.
如果3/4當天股價低過$158.14, 用SP買股亦會著數D。
總體來說，如果覺得股價不會突然升好多及真想持有正股，用少許價內極短期SP都不失為好方法。
（寫作日期：31/3/20下午）,現在MSFT $163.8, 如果現價覺得合理接貨 ，可用3/4 到期165 SP, 先收權金$6.86。如果3/4股價去到170.66, 不論用SP或以$163.8在31/當天直接買入，同樣都係賺$6.86。
如果3/4股價高過$170.66, 31/3當天直接用$163.8買入正股會著數D。
假設3/4股價跌到$158.14, 用SP買股沒有賺，沒有蝕，如果在31/3用$163.8買入正股，3/4 就會蝕$5.66.
如果3/4當天股價低過$158.14, 用SP買股亦會著數D。
總體來說，如果覺得股價不會突然升好多及真想持有正股，用少許價內極短期SP都不失為好方法。
2020年3月31日星期二
期權交易的反思
最近反思緊現在咁波動既市場上用價外期權買入股票方法是否可取呢？
(27/3下午寫的）假設現在MSFT $153, 如果打算用$140去買入，當然可以set自動買盤，到價就會自動買，但要等，又唔知等到幾時。咁在等既過程有錢收又幾好，於是做SP140, 就set 15 May 20到期，收權金$5.87。如果到期時，股價高過$140,咁就全收$5.87,不用接貨。如果低過$140,就用$134.13接貨。
假設下星期五(3/4)跌至$135, 當初做既put會升到大約$11.96(已經入左價內），即係已經有-$6.09虧損。（SP有大約104% unrealized loss）。其實股價$135比起將來既接貨價134.13差不多，但現要賬面蝕$-6.09先。如果當初不用SP方法，用自動set盤，其實虧損也差不多, 虧損係$5。
如果3/4 當天股價是$153, 當初做既put會大約會係$5，有$0.87賺（SP有大約15% unrealized profit).。咁如果直接用$140去接貨（大前提係3/4前正股有跌落$140,之後升回$153).咁樣，大約有$13 profit
如果3/4 當天股價升到$165, 當初做既put 會係$4.5左右，有 $1.37賺(SP有大約有23% unrealized profit). 當初直接用正股$140買，大約有$25 profit
咁樣睇，其實用價外期權買股票好似唔著數，蝕既時候差不多，賺既時候會賺少左。唯一用期權既目的係覺得正股不會大升，或者有少許升幅，或者跌幅到某一水平不會再跌而且到這水平才會買入正股，這樣才用SP買貨。如果本身已經覺得現價正股吸引，可考慮用少許價內及非常短期SP接貨。
(27/3下午寫的）假設現在MSFT $153, 如果打算用$140去買入，當然可以set自動買盤，到價就會自動買，但要等，又唔知等到幾時。咁在等既過程有錢收又幾好，於是做SP140, 就set 15 May 20到期，收權金$5.87。如果到期時，股價高過$140,咁就全收$5.87,不用接貨。如果低過$140,就用$134.13接貨。
假設下星期五(3/4)跌至$135, 當初做既put會升到大約$11.96(已經入左價內），即係已經有-$6.09虧損。（SP有大約104% unrealized loss）。其實股價$135比起將來既接貨價134.13差不多，但現要賬面蝕$-6.09先。如果當初不用SP方法，用自動set盤，其實虧損也差不多, 虧損係$5。
如果3/4 當天股價是$153, 當初做既put會大約會係$5，有$0.87賺（SP有大約15% unrealized profit).。咁如果直接用$140去接貨（大前提係3/4前正股有跌落$140,之後升回$153).咁樣，大約有$13 profit
如果3/4 當天股價升到$165, 當初做既put 會係$4.5左右，有 $1.37賺(SP有大約有23% unrealized profit). 當初直接用正股$140買，大約有$25 profit
咁樣睇，其實用價外期權買股票好似唔著數，蝕既時候差不多，賺既時候會賺少左。唯一用期權既目的係覺得正股不會大升，或者有少許升幅，或者跌幅到某一水平不會再跌而且到這水平才會買入正股，這樣才用SP買貨。如果本身已經覺得現價正股吸引，可考慮用少許價內及非常短期SP接貨。
2020年3月20日星期五
失敗經驗(2)
其實呢個失敗經驗比文章《失敗經驗（1）》更早發生，大約在19年年尾發生。這次失敗是关Tesla 呢隻股票事。
我諗好多人都知道玩期權有個口缺：有錢SP, 有貨SC. 做SP時當股價低過你SP既行使價時，你就要接貨。有貨後就set個打算賣出價，做SC，賺期權金等出貨。
有一個星期三晚上，我見TSLA期權波幅IV比平常大好多, 因為我當時不太睇好TSLA, 我做左個比當時高少少價錢既SC, 到期日係同一個星期既星期五。誰不知到了星期五 TSLA升在10幾幾個percent. Wow. 我儍眼了。我當時都冇平倉，因為打算星期五收市後，糸統就會自動同我計數埋單。ohhh. 原來糸統係會幫我自動沽空。yes 係自動沽空，即係我有負100股TSLA, 我之後須要買回100股TSLA.。當時我已經有虧損，所以我就在下個星期一做左張SP ，希望在星期五買回100股TSLA。當然我係買唔到la. 當時我發現原來沽空股票都可以做SP賺權金買貨平倉，唔知呢D係咪叫做short covered put. 哈哈。
最後最後，當然可以買回100股TSLA平倉，但係都係要輸錢。其實同最初一知道自己SC會蝕錢時平倉，損失是一樣的。
失敗當然要學到野，不要再犯啦：
1. 原來突然高volatility 唔一定係代表正股會急跌，原來可以急升。
2. 原來做naked SC(股票期權），到期時，當正股價高過行使價，糸統係會自動幫你做沽空股票。之後要買回正股平倉又可以考慮做SP, 唔知係咪叫做short covered put haha. 做法好似冇貨SP, 之後有貨Short covered Call咁
3. 有另一樣野發現就係：沽空股票時，戶口係突然多左cash,。因為我當時係有用槓桿，有借貸，我不太肯定，是否因為沽空股票有cash減少左借貸，從而減少了利息支出？
如果各位師兄師姐前輩，有分享，可以交流一下
我諗好多人都知道玩期權有個口缺：有錢SP, 有貨SC. 做SP時當股價低過你SP既行使價時，你就要接貨。有貨後就set個打算賣出價，做SC，賺期權金等出貨。
有一個星期三晚上，我見TSLA期權波幅IV比平常大好多, 因為我當時不太睇好TSLA, 我做左個比當時高少少價錢既SC, 到期日係同一個星期既星期五。誰不知到了星期五 TSLA升在10幾幾個percent. Wow. 我儍眼了。我當時都冇平倉，因為打算星期五收市後，糸統就會自動同我計數埋單。ohhh. 原來糸統係會幫我自動沽空。yes 係自動沽空，即係我有負100股TSLA, 我之後須要買回100股TSLA.。當時我已經有虧損，所以我就在下個星期一做左張SP ，希望在星期五買回100股TSLA。當然我係買唔到la. 當時我發現原來沽空股票都可以做SP賺權金買貨平倉，唔知呢D係咪叫做short covered put. 哈哈。
最後最後，當然可以買回100股TSLA平倉，但係都係要輸錢。其實同最初一知道自己SC會蝕錢時平倉，損失是一樣的。
失敗當然要學到野，不要再犯啦：
1. 原來突然高volatility 唔一定係代表正股會急跌，原來可以急升。
2. 原來做naked SC(股票期權），到期時，當正股價高過行使價，糸統係會自動幫你做沽空股票。之後要買回正股平倉又可以考慮做SP, 唔知係咪叫做short covered put haha. 做法好似冇貨SP, 之後有貨Short covered Call咁
3. 有另一樣野發現就係：沽空股票時，戶口係突然多左cash,。因為我當時係有用槓桿，有借貸，我不太肯定，是否因為沽空股票有cash減少左借貸，從而減少了利息支出？
如果各位師兄師姐前輩，有分享，可以交流一下
2020年3月17日星期二
失敗經驗
今個3月真係超難過，因為肺炎疫症+石油事件，令美股大幅上落。自己因為早前倉位太多short put option, 重要係有好多3到5月尾才到期，因為volatility 突然變得非常大，自己倉位既maintenance margin 剩餘非常非常少既倉值，即係非常非常之危險。為左唔好比IB自動平倉（亂咁平倉），唯有自己來平倉。損失當然多，非常之慘。
今次真係一個非常大既教順。不過最緊要係要學識唔好再犯同樣的錯誤。現總結如下：
1. 做SP除了預要接貨外，如果Short比較遠既Put要預多D margin (如果有借貸的話）
2. 對正股要有深入了解，因為當你接到貨時，如果到時正股價比SP行使價低，都唔知要唔要好
3. 做SP可以考慮做更價外或/和更遠期既LP, 這樣最大損失已鎖定。當然利潤也會少左，但須要margin會低左。
4.除了option 外，其他stock 和 bond都不宜太多，雖然可以分散風險，但因為不能，也沒有太多時間了解每一個stock 和bond.
今次真係一個非常大既教順。不過最緊要係要學識唔好再犯同樣的錯誤。現總結如下：
1. 做SP除了預要接貨外，如果Short比較遠既Put要預多D margin (如果有借貸的話）
2. 對正股要有深入了解，因為當你接到貨時，如果到時正股價比SP行使價低，都唔知要唔要好
3. 做SP可以考慮做更價外或/和更遠期既LP, 這樣最大損失已鎖定。當然利潤也會少左，但須要margin會低左。
4.除了option 外，其他stock 和 bond都不宜太多，雖然可以分散風險，但因為不能，也沒有太多時間了解每一個stock 和bond.
2020年2月19日星期三
技術操作(1)
早在三至四個月之前已經開始借日元來買美元或港元投資物，只要有足夠息差，回報都不錯。但這一方法，除左投資物本身既風險外，始終都係有個缺點，就係匯率問題。即係在借出日元之後，日元立即轉強（美元/港元轉弱）,賬面立即會虧損。如果投資物既利息收入不夠cover, 這樣就會得不償失。
早前有試過找對沖方法，就係用外匯期權。操作係用long put option 指定一年後用當初匯率由日元兌換番美元。但發覺要買這個put option 成本唔輕，差不多係美元兌日元1年高低位之差價。
於是現在用另一方法，就係借日元買入日元計價既投資物。日元計價投資物既利息收入會和日元借貸，都會同步走（一同走強或走弱）,做到自然對沖效果。不過現在有的美元和港元投資物（借貸部分）還是未搵到好方法做對沖。
早前有試過找對沖方法，就係用外匯期權。操作係用long put option 指定一年後用當初匯率由日元兌換番美元。但發覺要買這個put option 成本唔輕，差不多係美元兌日元1年高低位之差價。
於是現在用另一方法，就係借日元買入日元計價既投資物。日元計價投資物既利息收入會和日元借貸，都會同步走（一同走強或走弱）,做到自然對沖效果。不過現在有的美元和港元投資物（借貸部分）還是未搵到好方法做對沖。
2020年2月3日星期一
2020年1月21日星期二
現金流倉(0)
睇左好多blogger寫他們自己既投資，我又學下。呢幾年都睇左唔少書同埋blooger分享，學左D投資初級技術，希望可以在3-5年後，達到每月可觀的現金流，從而減少返工時間，做自己喜歡的事。
在大約5年前，我在T公司打工，老闆係極奇霸道，有錢就可以使任何人臣服於他腳下，佢話係，你唔可以話唔係的這種人。果時領唔到，原來世界是弱食強食，什麼職位都係假，有錢真係可以好強勢。當然自己都知道，他除了錢，真係什麼都沒有。自己更加不想做他。但他也給了我好多唔同既睇法。由這是開始，我開始計劃買回自己既人生，實行財務自由planning. 早前睇到有blogger將自己由100萬變1000萬既record 寫在佢既blog，我覺得好有趣，所以學下又寫，記錄下來，如果有一天我達到目標，我希望這blog又幫到人。
在大約5年前，我在T公司打工，老闆係極奇霸道，有錢就可以使任何人臣服於他腳下，佢話係，你唔可以話唔係的這種人。果時領唔到，原來世界是弱食強食，什麼職位都係假，有錢真係可以好強勢。當然自己都知道，他除了錢，真係什麼都沒有。自己更加不想做他。但他也給了我好多唔同既睇法。由這是開始，我開始計劃買回自己既人生，實行財務自由planning. 早前睇到有blogger將自己由100萬變1000萬既record 寫在佢既blog，我覺得好有趣，所以學下又寫，記錄下來，如果有一天我達到目標，我希望這blog又幫到人。
訂閱：
文章 (Atom)