呢排發現有個夾息机会，只要有記性，準時還款，就可以無風險增加被動收入。
這操作大前提首先要有供樓既mortgage link 戶口，這户口如果放錢落去，現在可以有大约2.75%活期年利率既利息。
之後申請MOX bank 網上銀行户口，將自己借錢金額提升到多於$80000。
操作非常簡單，首先用轉數快從Mox credit 户口透支$80000到自己mortgage link 戶口。mortgage link户口每月就会產出$80000x2.75%÷12=$183
接著每月8号之前從自己mortgage link 戶口轉錢番去MOX credit 還款。同一天再用轉數快從Mox credit 户口再透支$80000到自己mortgage link 戶口。這樣一直loop, 每月loop, 只要mox bank 不修改policy 就可以不用拿錢出來，每月有$183, 須然錢不多，當幫補下上網費用也好。
為何咁神奇？是咁的，mox credit 這個循環貸款会收兩種收費，第一種是手續費1%，係透支果刻就立即要支付，但如果你透支$80000或以下就不用支付，即係你透支$80001, 只须支付$1的1%=$0.01。第二種收費是過期還款收費，每筆借款会有最長56天免息還款期，為了使自己易於操作，只要每月還款就不會超過56天還款期這紅線。過期還款收費是這樣的，如果今個月7号透支$80000, 但下個月8号前未及時還款就會收取大约12%年利率罰款。所以操作金額用$80000, 每月準時還錢，再立即再借出$80000, 這$80000会從新計算免息還款期。
所以這操作主要係記性，記得準時還款。如果有興趣可以用我優惠碼NKD97Z，或用以下既這link https://mox.com/zh/invite?code=NKD97Z 開户，我同你都有著數。
早前股市係咁跌，係咁跌，近幾天好似又整固。一向都相信指數化投資，即係投資整個股市，同時not time the market。不過熊市一來，自己確實對指數化投資有懷疑。所以已經將大部分資金轉為定期及國債。
一至兩年到期的國債現在有4厘了。如果要投資股票，我自己就expect 要有4厘+5厘=9厘既回報才合理，但現在要有9厘既股票應該難揾，而且股價波幅應不少。
以前会做short put 期權，現在也沒有做了，反而做long put, 勝率也提高。
唔知我既決定是否正確？但可以肯定，我自己倉位暴險減少了。這市況也能安心入睡。
金錢理應是幫人的工具，不是主人，如果被金錢控制了，為了金錢不開心，咁就違反了金錢原來的功能。
換燈泡是非常簡單工作。一個人已經可以換。假如現在辦公室裡有10盞燈壞了，揾一個人換，用半天時間已經可以完成了。
如果我話换一個燈泡要10個人才能完成，正常人会覺得我不正常。
哈哈，其實係可以用一個非常合理方法去安排用10個人去换一個燈泡。而且實際上社會也是這樣運作，只不過沒有太多人留意，因為你(我)們可能係既得利益者。
10個人是咁安排的，第1個人換燈泡，學歷最低，第2,3個人扶梯，他們只須確保梯子穩定，他們學歷低。第4,5個人是負責整體工作安全，睇下第1,2,3個人有冇按程序做野，他們讀個下書，但學歷也不高。第6個人睇下第1-5個人有冇偷懶，有冇偷燈泡，他屬於低級管理層了。之後第7,8,9,10個人分別係坐總部的高管，作用是訂立制度使工作順利，但其實係用制度保護自己。大部分人喜歡做的工作。
有人会話第6-10個人是多餘的，咁你可能係第4,5個人。有人会话第4,5個人也是多餘，咁你可能係第1-3個人做野最辛苦，人工最低加受氣。
有一天，第1個人因换燈死了，第4-6個人大為緊張，因為他們多少也負責工作安全。意外發生了代表他們可能在平安無事時冇做好自己既工作，他們的價值就應該確保零意外。第7-10個人，因為制度是他們定的，完美地將第1個人死亡責任推到第1-6既人身上。至於係誰要負責？最大可能反而係第1-3個人，因為他們讀書最少。當事情完結了，第7-10個人再檢視現有制度，使工作更安全，更完善自我保護系統，下一次再出問題時，更確保一定不會"上身"。
講到呢度，10個人既換燈工作安排已經完成。大家都忙於自己既工作範疇，因為大家都非常忙碌(除了第7-10個人），所以少去留意這個10人换燈泡的制度的不公平。又或者自己係既得利益者。在這制度下，大家只会努力工作，希望有日可做第7-10個人。
如果一開始，只係一個人換一個燈泡，而唔係用10人換燈泡制度，唔知社會会唔会好D呢？定係会變成產能過剩，好多人失業？普遍人生活更困苦？我真的不知道。
今日去見工，應該唔会請我。如果真的請我應該係神積。
無可否認，我自己係不夠實力，但同時間，我對於用英文來interview 非常有保留。
interviewers 非常明顯地，是香港土生土長的人，英文不是他們母語，即是用英文問一定会詞不達意。
interviewee 即是我本人本身英文也不太好。講出來也一定詞不達意。
當interviewer 同 interviewee 相遇就變得非常災難。
interviewee 不太明白interviewer 想問乜，所以interviewee 要去估。
interviewer 也非常吃力才問到問題。
既然面試目的係請一個對公司有幫助的人，咁為何要用大家不熟悉的語言溝通？工作又不會用英文溝通，這樣只会資源錯配。
香港人之間用英文溝通來決定工作，我覺得邏輯上有問題。
上回提到夾息操作失敗後，又試下另一操作，就係除息日前直接沽空。
操作如下：在20/6/22 差不多收市沽空500股1919, 當刻股價係$12.52, 扣除手續費收取$6230.01
21/6/22 一開市因除淨关係，股價$11.7。於是立即平倉，連手續費付出$5878.96
哈哈，立即賺到$351.05...簡單冇風險就賺了300幾蚊。咁簡單，真的too good to be true.
21/6/22當日谂來谂去，咁簡单操作，應該很多人都諗到，而且我相信市場大部分時間係有效率，所以應該一開市股價会立即由11.7 變回 12.52才對。但如果係咁D人迷会除息前一天買入正股，第二日，就冇風險收息？但確實股價又真的下跌了。莫非賺錢真係咁易？
最後，我又錯了，原來除息日前沽空，派息日係要比返股息出來。点解我都唔知，我估係因為我借了別人的股票，原本有股票既人除息日前冇左股票，所以佢冇得收股息，所以我要比返股息佢。
總結：收了$6230.01, 付出$5878.96, 及$510.5股息。最後輸了$159.45
這次操作又失敗了。
上兩星期聽左個免費投資分享会，主力講用方法將港樓收多個20%年回報.。咁吸睛，當然聽下。哈哈，當然学到野啦，不過也有風險的。
這個分享会其實就係叫你join 佢地，咁樣就可以有門路入D超低水港樓。分享会當中有分享過有方法可以夾息做到年回報大約12%. 因為分享会只係簡單提及夾息方法，所以詳細操作我都唔知。
方法是這樣：用1倍槓桿買入一隻大約8%高息股，因為用左槓桿，所以收息大約16%, 同時間借錢利息1%, 對沖成本4%, 最後net income 有11-12%
方法就這樣。不過當中自己有幾個疑問，第一,融資成本現在做唔到1%，就算超大金額都不能，第二，用什麼做對沖？分享会有提過用期權，期指做對沖，以我所知，期權，期指不能完全對沖，因為成本問題。第三，幾時買入正股？隨時？除息日前幾天？除息日後？呢個自己最冇頭緒。
於是，上個星期我自己實测一次。
我在10/6 買入5000股1988, 付出$15349.2, 買入價係3.06. 所有支出都是借來的。
除息日是15/6, 20/7將會派息大约$1124.87(已包括匯率及扣税)，回報大約7.33%
我用LP2.8 做對沖，付出$419, 買入價0.08. 又係借來的。
因為全借，所以要比融資利息，大约$9.59。
最後我在15/6全部平倉，因為除息日，股價變成2.85, 同時間，put option 變做0.06, 即係option 因為除息日也會自己調整。簡單講，option只可對沖部分因股價下跌的損失，但不會對沖因為除息所引起的股價下跌。 正股賣出$14206.89, option 賣出$281。
總計 14206.89+281+1124.87 - 15349.2 - 419 - 9.59= -165.03
實測夾息操作失敗。
我有諗過除息日後才操作，但要等長時間，對沖成本会很高。咁如果除息日正股会下跌，咁14/6沽空，15/6平倉又得唔得呢？哈，可能又要實測。
上年因為小朋友在出面讀書，所以搬左出去市區住。租出面屋，然後自己物業放租，當然要補貼。上年因為做SP, 不斷有現金流，只要取其中一部分就可以住市區，住大D，住到800幾尺樓。
今年，因為想慳錢，而且唔知是否会移民，所以搬回來。時間好快過。一年剛過去，原本覺得好易賺到的錢，原本係不易的。今年在股市賺錢，比前幾年難得多。希望將來自己的小朋友都學懂心裡謙虛。
阿仔升上小学，開始學習明白道理。佢有時同我講，呢D我識啦，果D我都識。我讚佢，你真聰明，但是要記住：在心裡你要知道，你雖然識，但重有好多野你還未学。如果你覺得你已經識曬，這一刻，你不會再進步，只会退步。
但願阿仔，阿妹盡快明白這道理，我也時常提醒自己。
與身邊朋友分享投資，好多時会有種感覺，就係自己投資很愚蠢：
美股好有風險wow, 美国就黎唔掂，你重唔走？入D中概股，將來是中国的世界。
之前高位有冇take profit?大部分係ETF, 重要係全球？咁咪赚唔到大錢？
crypto 騙人的，是美國佬發明出來吸人錢。
option是什麼？你可以買呢集輪，槓桿10幾倍，回報可观。
其實有時都幾冇瘾。不過自己是有答案的。係美股可能唔掂，但我自己又冇能力知道什麼比美股好，所以買全球，只要市場回報就好了，勝價比最高，用最少時間換市場回報。
為什麼不高位take profit? 因為自己就係沒有能力判斷高位，就算相對低於位也沒有能力，所以一動不如一靜。如果我知道，或者有高机率出現高位，我一定会take profit. 我自己曾經有過的經驗就是高位沽货，之後狂升，低位接貨，之後再狂跌。
至於crypto, 我都覺得大部分crypto 是騙人的，但我信BTC, 與ETH 兩隻最來歷史的crypto 有它們的價值存在。至於它們是否也是骗人的，我想股市也是一樣骗人的，只不過普通人如果不將部分資產透過股票投資，他的投資可能不太全面。所以我說我將部分資產放D去crypto，別人就不明白，話我高風險，但其實我想降低風險。我有crypto, 又有全球股票ETF,。除了只揸現金的人外，我應該係最保守既投資者。
最後，option 散户可以long 可以 short, 而warrant 散戶只可以long。就咁睇，option 比較公平D。
我將我以上睇法講出來，朋友們只覺得他們比我投資聰明，我比較愚蠢。最後我了解了一件事，我沒有比他們聰明，但我的優勢是我知道自己唔認識既野比認識多；我观察到如果自己都唔知自己原來唔識，在股市可以死得很惨，比例上比自己覺得不懂既人多。
新建免費音樂課程Youtube channel - Easy Music Lab, 希望可以供獻呢個社會!
https://www.youtube.com/channel/UCIKpyvM1DJ06dMihsZq181w
2022.2.28
2022.1.31
自幾百年前，從數学發展到人們研究机会率，人們已經覺得不須要上帝，科學也突然間進步了好多。科學也幫助人們生活，所以上帝的重要性也降低了。
但重要的是:"上帝的須要降低了"不代表"上帝的存在可能性也降低了"。这不能劃上等号。咁用科学方法去證明上帝存在或不存在得唔得？咁就要定義下什麼是科學。
以我認識，科學是基於觀察重覆發生的事件而歸納出來的理論，之後去預測另一事件。就好象觀察了十萬隻天鵝，發現總是白色的，所以歸納出天鵝是白色的理論。當然如果有人發現到有一隻天鵝是黑色的，那麼“天鵝是白色的”的論述就錯了。這也是科學，因為可以有方法否定之前所說的論述。
但是以我理解，上帝是否存在好難用科學証明，同時間也好難用科學否定。所以聖經講得啱，只要信，因為用科學証明及否定唔到上帝。可能有人說這是迷信，但我自己就咁樣睇，如果可以用科學方法驗證，但唔用，而一直相信，就是迷信。例如在家中放置一缸十條某種金魚，之後財運亨通。就這舉動，有人成功，有人失敗。明顯地如果有人信，这就是迷信。但如果換成其他種類金鱼，之後这人財運亨通，直到他不再擺放金魚，一切回復原況，再之後又放金魚，財運再次亨通，咁樣，他就不是迷信了。
上帝存在的論点雖然不能用科學証寶，但可在自然界可以看見。例如，宇宙大爆炸之後為什麼会越來越整整有條，重而形成天体？是否有上帝的介入？現在只能用宇宙無限大去合理解釋，或是增加爆炸後星体形成的机会率。有点像邀請有無限隻猴子用無限部电腦，在电腦前打字，數学上有可能其中一隻猴子可以寫出一本聖經來。
宗教始終是宗教不是科學，只能信，或不信。信可以上天堂不下地獄，不信的就相反。信的人在现世，犯罪的事不做，不信的人在現世相對可以做的事多。總結來說，信的人在現世可做的事比較少，死後上天堂享受，不信的人在现世可做的事比.較多，死後下地獄。如果信上帝當成投資項目，聰明投資人當然選擇信上帝。重點在於如果死後沒有天堂，最大損失是在世某些事不能做。但如果真的有地獄，選擇錯誤，最大损失就是永遠受苦。因為風險承受不對稱，所以理性人会信上帝。
Short 價外的 put 勝率高。Short 更價外的put 勝率更高。按理short 極價外的put 勝率更近100%, 但一定不會100%，因為权金將會是0。
那麼就進行比較價外SP, 密食當三番，長期做都極有可能是正回報。用自己歷史數據計，期望值是正數，而且每隔一段時間睇，期望值也慢慢上升。同時間，開SP也越來越多，收入也慢慢增加。
因為勝率高，失敗經驗少，所以慢慢地成功令自己輕視了自己對SP的風險。
這就是我的情況。雖然我現時option操作還是正數，但這幾天讀到Fooled by randomness 這本書，真的是一個好好的提醒。世界確實充滿隨機性，自己以為操作option夠多，就以為SP勝率高，只要控制損失就可以長期正回報，這其實是錯。隨機發生金融事件令大市大跌就足以令自己長期盈利歸負數。重點在於自己其實控制唔到损失。
現在了解到自己是個極其無知的人，常常被隨機性愚弄。但亦興幸自己是個無知人，而不是個知識的人，所以對未來有戒心。
2021年年結
