2020年11月11日星期三

主動與被動操作

記得自己第一次投資股票,係當時既新股中國中鐵(0390)。當時一買就升,第一個感覺係投資不是太難,亦都偏向去想,股票大部份時間都升,小部份時間跌,至少當時未曾經歷過大跌市。

之後工作太忙,就聽人講投資基金啦,新興市場什麼BRICK金磚五國既基金,於是去投資,一個2008年金融風暴,基金大跌。亦都係第一次輸錢。之後都有買股,有買輪,買債,買reits, 玩期權,但都係輸多贏少。今年三月前都係打過和。

今年三月市場大屠殺,自己都元氣大傷。當時我覺得係因為未能正確擇時進出,未能正確選擇股票,及過度leverage. 

就係知道自己未能正確擇時進出市場,同埋自問自己唔識選股,在四月開始用試用指數化ETF投資,直至現在, 相對自己主動選股,擇時進出既倉位作比較,被動式投資簡直係完勝。其實都幾 諷刺,自己既努力,又睇財報,又計機會率,又set止賺止損,又用策略,又定期review策略希望有更好回報,但都比不上合埋隻眼,不用分析只買指數化ETF來得好。

尤其是經過九月尾到現在股市的波動,及板塊輪動,指數化投資在我而言確實有可取之處。如果考慮埋時間,心力,風險等因素,指數化投資更合適我自己。

現在思考緊,是否可以用指數化ETF加期權策略,做更好回報呢?

6 則留言:

  1. 師兄,呢個方法我都有唸過,ETF倉位佔少,用期權賺到既錢,再買番落ETF度,長線複利ETF,不過呢個方法係好悶同埋爆炸力低,但長遠應該跑羸不少基金。

    回覆刪除
    回覆
    1. 哈哈,相對刺激地賺錢,悶悶地發財比較合適我

      刪除
  2. 》是否可以用指數化ETF加期權策略

    做緊

    回覆刪除
    回覆
    1. 師兄你是否已經操作緊?我自己初步遇到有兩個難題,第一,指數ETF的option 買賣差價比較闊,第二,有些option得monthly option, 冇weekly option。因為自己都係做一至兩星期option多

      刪除
    2. 我做期指。

      但我做得好疏。我有睇晒你啲post。你用密食既方法。我比較鍾意揀勝率高時大注。不過背後思想,都係利用市場既非理性情緒獲利。

      刪除
  3. http://poolshunter.blogspot.com/2015/09/blog-post_4.html?m=1

    推介

    回覆刪除