2021年3月22日星期一

無知

自己最初接觸期權,係因為自己不懂分析正股既價值是否合理。所以用期權SP當作“安全邊際”打算去入正股。因為前幾年都係咁升市,所以幾本上係接唔到貨。久而久之,已經當期權係投資,而不是工具。之後有了自己一段時間在期權的統計,開始了自己的策略。這策略運用了幾年包括遇上2020年頭及月頭既大波動市况,都算有正回報。雖然自己策略做到有90%赢錢,只有10輸錢,但10%輸錢金額也不少。就今年賺既同上年年尾賺既錢,今個月輸曬。

除了金錢,幾個月花在投資既時間當然冇了。其實自己也有些目標想達成,呢個月自己在想,花了心力和時間在投資[賭博]上不是很值得。而且自己也給投資控制住,真可笑。

其實勝率高既策略有個盲點,就係以為自己策略完善,忽略了輸既時候輸幾多。以為自己可以控制止損,但其實係唔得。如果策略上確定性偏高,但不是100%確定,有時候就會掉以輕心,非常危險。

對於自己高估自己有能力控制止損,其實係唔得,其實就係無知。

賭大細(不計圍骰),買大或細,出現机会率各50%。如果賭10次,買10次大,嬴既机会係5次既机会不一定係100%。或者諗買10次大,不一定赢5次,可能係又可能唔係。那麼買1000次呢?買10000次呢?理應越買得多次,勝率或者越接近50%(只係我估計)。如果这推論正確,最開始買大既幾十次理應有可能連續輸錢。投資人如果唔係無限资金,在賭大細赢就贏$1, 輸也輸$1既情況下,也有可能玩幾十次大細就已經沒有錢了。

不確定性,或者接近肯定但不是100%確定的赌局,風險始終存在。相反如果有100%確定,那麼就不會有賭博,因為不會有對家。

在不確定性存在既情況下,我估認為自己無知比較有利。



9 則留言:

  1. 波動市況,盡量減少操作,我呢個月都唔敢操作太多,會容易因為波動而做錯決定

    回覆刪除
  2. 之前睇cis 的書,裡面講有好多人都係分析勝率。但其實以我地買賣的次數根本就未夠大數定律發揮效用,就算你平均贏六成,連輸幾鋪的話已經好難翻身。

    我上兩年做好多option,而且大概有三成的獲利係黎自option。但長short 必輸,唔可以好似當收息咁不斷short, 要好似其他買賣咁睇位黎做,唔到路就蝕住都要平左佢。呢種諗法並唔係想像中咁輕微呢。

    回覆刪除
  3. 師兄可唔可以講下你做左咩操作?

    回覆刪除
    回覆
    1. 我係做short比較價外及少於10天的options,target係如果平均每次賺$1, unrealized loss 去到-$3就止損。不過止損好難做到,不倫係心理上,或是技術上。

      刪除
  4. 呢個係勝率、賠率嘅計算
    單邊趨勢市,勝率高
    但估錯就勁蝕
    因為SP接貨金額好多時唔細
    我都諗緊點處理、控制風險
    暫時係買入時,先定好stop loss, take profit的價位
    不過估市真係超難,都係SP, SC 指數基金
    容易少少

    回覆刪除
  5. 每次做SP都有心裡準備要接貨, 同埋worst case隻股要長揸都安心
    唔知啱唔啱

    回覆刪除