早排,工作忙到冇停手,返工做做做,不知子覺就放工了。今星期真的冇野做,坐起位'扮工' 扮做野。唔知是否出面個市太靜,開始影響到自己既工種。希望疫症快啲完結。我自己覺得自己工作暫時都穩陣,被解僱的機會還是少呢!
有見銀紙不斷貶值,不斷比各大國搶走銀紙裡的價值,決定要做些投資對抗銀紙貶值的問題。作為打工仔的我,為了會貶值既銀紙付出了人生差不多33%既時間,現在希望用3-5年的時間,將33%既時間贖回。
2020年10月30日星期五
2020年10月28日星期三
正確的答案
剛出來社會工作,老前輩有次問我們一班後輩一個問題,問題是這樣的:大老闆有一個難題,你會選擇什麼答案回答?1.正確的答案,2.多人決定的答案。
當然我們一班後輩都有不同選擇,而我當時選擇了1.正確的答案 。老前輩對我的回應是:哈哈,小心啦,你選正確的答案,可能死左都唔知到發生什麼事。你們一定要選擇多人決定的答案,因為如果要死都有人一齊去面對。唔係自己一個。
工作經驗多了,現在更加了解老前輩的話。但在投資世界裡,是否也是一樣?如果一支股票,就是現在的新經濟股,我的確冇能力去知道這股票的正確價值。但假設我有能力知道某股票的真正價值,值$100,而且有少數人亦知道,而大部份人覺得這股票值$200,我為何不跟大部分人的意見?只要有能力知道這股票真正值$100的人還是少數。這不就是空中樓閣理論,不須理會自己買入的股票遠高於自己覺得的價值,即係不須理會自己是否做左傻瓜,只要有信心揾到一個比自己更傻的傻瓜便可以。但重要既係,當大部份既人覺得價值得$50,咁自己要轉身快,這樣就安全了。
最後想講講,老前輩問問題當天,我們一班後輩大部份人都選擇了答案2,其實當天一班後輩選擇的答案已經證明左了正確的答案係答案2,因為大部分人都選擇答案2。
財務自由與工作
自己財務自由的目的係希望多D時間做自己喜歡的事。經過呢大半年時間,有部份時間work from home ,其實已經有機會體驗到如果真的財務自由不用返工既生活係点樣。當然可以做到自己想做的事,但原來大部份時間係有点悶,唔知做乜好既感覺。所以其實現在有工返,有時間,有少少本錢去投資,其實就係自己理想既生活。疫情下,有好多人生活都遇上困難,反觀自己的工作幸好不是疫症受影響的工種,確實應該感恩。
2020年10月6日星期二
現金流倉(10)
2020.9.30