2022年投資表現

2022年過來了，投資成積當然是差勁。因為當中有資金频繁地進進出出，所以我自己都不太懂怎樣計算損失或利潤。

IB 顯示2022年既Time weighted rate of return  係-38.04%, 同年既全球股票市場回報為-18%(用VT 來代表全球股票市場)。我差過全球股票市場回報有幾個原因，第一，我倉位不是全部都是VT這隻ETF, 第二，因為在VT跌到差不多最底時，走了大部分，但在上升時未有補回，皆因市場情緒太負面，我自己也受影響。完全休驗到指數化投資中不要Time the market的難度。第三，操作option將2022整年本來的利潤變成虧損。都係果句，short option係上得山多終遇虎的遊戲，而且容易上瘾，最快戒掉既方法係要輸一筆自己覺得比較多的錢才成功。

其實2022年11月之後，我都少左晚晚去留意個市，多左時間與小朋友相處。諗起初初投資時的初衷係想籍投資去換取更好的生活，但事實係我之前用的投資方法犧牲了我晚上的時間外，也犧牲了我個心中的重要位置，換來的是不確定的回報，今年是虧損，我覺得不值得。

2023年投資容易了？

相對於2021年，2022年投資上困難了不少。來緊2023年投資都應該係困難重重。真的嗎？

如果繼續在香港生活，如果重有份工作，只要不貪心，投資應該容易了很多。因為現在只须做定期存款，或是買美國國債，就可以有4-5%年利率。早兩年要有4-5%年利率的回報，要承擔相對高的風險。現在基本上，4-5%一定係回保本。

有些人話，現在可以有4-5%無風險回報，係因為通脹已經大過4-5%。我去统計處睇下香港CPI數據，發現2020年到2021 CPI 大約升左1.5%, 2021年到2022年大约升左2.56%。同4-5%都有点距離wow。太好了，這些人錯了。再者，係咪真的做定期就可以在香港跑赢通脹？

如果感諗又可能太天真了。CPI數據係歷史，做定期或国債的利息是將來一段時間才收到。在決定做定期到真的收到利息中間這時間，通脹可以升高多過4-5%。如果真的這樣，做定期或國債都你会跑輸通脹。

對於我來說，2022年之前，投資假想敵是股票市場整體表現，如果成積高於股票整體市場，就係叻，相反就是差。如果不想做差的人，可以考慮指數化投資。(其實超過大半的人投資係差過整體市場，將比較時間拉長，這現象更加明顯，所以指數化投資係相對比較理性的投資方法)

2022年之後，投資假想敵是通脹，如果成積高於通脹就算叻，相反就是差。如果不想做差的人，是否應該做定期或國債？我覺得又不能確定的，因為決定做定期或國債時與收到利息中間的時段，通脹不能確定。我自己唯有做短期，例如3個月的定期或國債，減少這不確定性。

2023年的投資是否困難了？我覺得係困難了。