不確定性

昨晚，同阿仔，阿女玩uno, 第一，二局都係阿仔赢，阿女好唔開心，佢話下一局一定要她赢。因為她得四歲，她不明白玩遊戲就係充滿不確定性。我賞試解釋給她聽，佢似明非明。

如果遊戲未開始已經知道邊個赢，那麼除了勝利者，其他人就不太想玩了。

再諗一諗，其實人之所以有希望，未來，就係因為有不確定性。如果所有野都確定，可能人生就沒有驚喜，人生就比較悶，比較不開心。

但從另一角度睇，不確定性也有負面的影響，例如一個人會因為世界其他人一些行為而被影響。就例如最近普京的行為，有部分人的財富已減少了。如果剛好近排又要用錢的話，咁就會有realized lose. 

所以作為一個人，真的要謙虛一点，因為明天会發生什麼，沒有人確實知道，只有神知道，可能是好，可能是懷，可能不變。不確定性源自於每個人都有自由意志去做出自己的行為。我估世界上沒有人可以準確估計其他人的行為，所以不確定性一定存在。

孤獨的投資

與身邊朋友分享投資，好多時会有種感覺，就係自己投資很愚蠢：

美股好有風險wow, 美国就黎唔掂，你重唔走？入D中概股，將來是中国的世界。

之前高位有冇take profit?大部分係ETF, 重要係全球？咁咪赚唔到大錢？

crypto 騙人的，是美國佬發明出來吸人錢。

option是什麼？你可以買呢集輪，槓桿10幾倍，回報可观。

其實有時都幾冇瘾。不過自己是有答案的。係美股可能唔掂，但我自己又冇能力知道什麼比美股好，所以買全球，只要市場回報就好了，勝價比最高，用最少時間換市場回報。

為什麼不高位take profit? 因為自己就係沒有能力判斷高位，就算相對低於位也沒有能力，所以一動不如一靜。如果我知道，或者有高机率出現高位，我一定会take profit. 我自己曾經有過的經驗就是高位沽货，之後狂升，低位接貨，之後再狂跌。

至於crypto, 我都覺得大部分crypto 是騙人的，但我信BTC, 與ETH 兩隻最來歷史的crypto 有它們的價值存在。至於它們是否也是骗人的，我想股市也是一樣骗人的，只不過普通人如果不將部分資產透過股票投資，他的投資可能不太全面。所以我說我將部分資產放D去crypto，別人就不明白，話我高風險，但其實我想降低風險。我有crypto, 又有全球股票ETF,。除了只揸現金的人外，我應該係最保守既投資者。

最後，option 散户可以long 可以 short, 而warrant 散戶只可以long。就咁睇，option 比較公平D。

我將我以上睇法講出來，朋友們只覺得他們比我投資聰明，我比較愚蠢。最後我了解了一件事，我沒有比他們聰明，但我的優勢是我知道自己唔認識既野比認識多；我观察到如果自己都唔知自己原來唔識，在股市可以死得很惨，比例上比自己覺得不懂既人多。

投資的目的

呢幾天諗，自己認真投資其實係因為對大约五，六年前一位前老闆的不滿。点解会咁？

話說這位老闆非常富有，不可一世，出世就已經非常有錢，未打過工。他不但對待員工態度差，說話都係巨侮辱性，每天就係憎恨这老闆，但又打他工，因為人工比外面高嘛。另外，他對其他請來的律師行的專業人士也不好。記得有一次開会，他說了一句：‘’我一單生意揾既錢，你們專業人士一世都揾唔到", 的確他用幾年時間揾左幾千萬，真的普通人一世也未必揾到。

這是事實，但同時間也極其難聽。心想如果我同樣有錢，我過幾年財富一定比他多，因為他從事既投資生意我覺得沒有技術可言，在風口肥豬也會飛天。所以真正開始努力研究投資及學習，久而久之，投資除了不想因打工而受氣，也變成從他的侮辱中解脫，肯定自己的工具。

前兩年都以為自己成功了一半，最近市場差了，也就不太覺得投資容易。人生無常，急於發財，不免受罰。

睡醒及看見

呢兩個月，集中玩crypto, 因為自己覺得冇股市咁波動。直到上個星期， 5月9日, UST 脱鉤事件，自己才醒覺自己真的一無所知。

自己早兩個月將比較大金額放在anchor protocol 收19%年利息，同時間向銀行借平錢1.9%利率，再放在anchor protocol 收取利息。利差有大約15-17%。每日睇住yield reserve , 而且計算大約今年6月中到尾就會用完reserve。所以大約6月会開始D人唔再玩anchor protocol, 之後D人会唱錢走去其他crypto，最後可能UST 会有點不穩定。

其實每個月10号因為要還錢給銀行，所以我會去anchor protocol withdraw UST, 轉回HKD。另外，早前也定好了大约5月尾將所有UST轉做USDT, 但在5月6日，自己心裡覺得不太舒服，心理就是要想要減低風險。當時以我認知，UST 完全沒有問題，但就是心裡有声音說不要太貪心。最後我將所有UST 轉做USDT, 完美避開一劫。

5月9日，睇到新聞講UST 出事，當刻覺得自己咁好彩避開左一劫。5月10-11日，更多新聞講UST 脱鉤，自己才識驚，原來自己一直都不知道UST有咁多暗藏風險，而且更早前也有穩定弊脫鉤。

這事之後我發現左兩件事。第一，自己原來都唔知道自己唔知D乜。第二，發現自己被錢財控制住，平日晚上就係要玩option, 自己唔係想賺錢咁簡單，最重要其實係成功感。每晚開SP, 星期尾結算賺錢就感到自己了不起，因為這模式行在好幾年，不知不覺地不覺得自己有問題。但其實有大部分心力被吸引去金錢，而且對身邊事情及人少左関心。

最近聽到一個youtuber 講起他好多年前投資時也迷失，他就提到申命記8：18 

"你要記念耶和華你的 神、因為得貨財的力量是他給你的、為要堅定他向你列祖起誓所立的約、像今日一樣 。"

今次真的感受到貨財的力量是耶和華給我的。另一角度睇，生命的重點不是錢財，如果錢财是人生目標，那麼人生就是註定被錢財所控制。