期權的反思(3)

好多人話：SP大部分時間都會贏。以我經驗，自己統計，我真係佔左90%以上時間係贏。但如果計埋剩下10%，總投資當然係輸。為何會這樣呢？

由Feb18 發生嚴重虧損後，我開始做股票期權，Feb18係做指數期權。到May19已經追回虧損，用左15個月。之後到Jan 20 都係大賺。不過到了Mar20已經輸凸(如果唔計Feb18那次大大虧損，總數都係賺）。

根據我既統計，由Mar18到Mar20, 不計我Feb18果次大虧損，合共做了598次options, 當中只有54次輸錢，佔了9.03%。有 544次贏錢佔了90.97%。

544次合共贏了$100，即係每次贏$0.184。54次合共輸了$87，即係每次輸$1.61。每一次贏比每一次輸係1:8.76。

總括而言，每一次做short option有大約90%會贏，有大約10%輸。而贏1$亦同時承受會輸$8.76既風險。

這就是我兩年內的成績。