期權交易的反思

最近反思緊現在咁波動既市場上用價外期權買入股票方法是否可取呢？

(27/3下午寫的）假設現在MSFT $153, 如果打算用$140去買入，當然可以set自動買盤，到價就會自動買，但要等，又唔知等到幾時。咁在等既過程有錢收又幾好，於是做SP140, 就set 15 May 20到期，收權金$5.87。如果到期時，股價高過$140,咁就全收$5.87,不用接貨。如果低過$140,就用$134.13接貨。

假設下星期五(3/4)跌至$135, 當初做既put會升到大約$11.96(已經入左價內），即係已經有-$6.09虧損。（SP有大約104% unrealized loss）。其實股價$135比起將來既接貨價134.13差不多，但現要賬面蝕$-6.09先。如果當初不用SP方法，用自動set盤，其實虧損也差不多, 虧損係$5。

如果3/4 當天股價是$153, 當初做既put會大約會係$5，有$0.87賺（SP有大約15% unrealized profit).。咁如果直接用$140去接貨（大前提係3/4前正股有跌落$140,之後升回$153).咁樣，大約有$13 profit

如果3/4 當天股價升到$165, 當初做既put 會係$4.5左右，有 $1.37賺(SP有大約有23% unrealized profit). 當初直接用正股$140買，大約有$25 profit

咁樣睇，其實用價外期權買股票好似唔著數，蝕既時候差不多，賺既時候會賺少左。唯一用期權既目的係覺得正股不會大升，或者有少許升幅，或者跌幅到某一水平不會再跌而且到這水平才會買入正股，這樣才用SP買貨。如果本身已經覺得現價正股吸引，可考慮用少許價內及非常短期SP接貨。