第一次聽平均成本法係起保險經紀口，自己一聽到覺得非常犀利既策略。但之後再諗其實有死門。只要假切幾個情況比較，就好易知道平均成本法不一定好。當然經紀冇提平均成本法既死門，因為佢要SELL保險基金計劃，所以要咁做。
其實用簡單推算就知道平均成本法不一定最好。如果有一筆資金用平均成本法定期供某投資物，而該投資物不斷上升，其回報當然正數。但相比一開始一筆過投入資金，回報少了一部分。
咁掉轉黎諗，投資物不斷下跌，買既單位會越買越多，其實相比一開始一筆過投入資金，損失的確會減少一部分。但如果投資物在一段比較長既時間不能回到起點價格，其實都係虧損中，咁不如不投資，手持現金還好。而且每次定期投入既金錢時壓力會很大。
如果在牛皮市，平均成本法可能最能發揮作用，前提要考慮手續費成本。
每個投資物或者策略都要了解其好懷之處，才能好好利用。
上個月，見恆大（３３３３）由大約１０幾蚊，一跌跌到大約５個幾，見恆大由高位，已經大跌超過７成，心諗阿爺冇理由唔救恆大，如果唔救，我估社會有一段時間不穩定，而不穩定，應該係阿爺比較怕既事，所有按道理恆大最後應該會冇事。
當時我諗，恆大就算不能回復到以前一半水平，應會有一下死猫彈，所以我就在當時正股大約５.5，開了１張九月尾ＬＣ6.5，搏正股升到或差不多６.5就平倉。當然到現在為止正股大約３，都冇出現死猫彈。今次ＬＣ６.5其實已經失敗，不過都係輸有限既操作。
同樣操作在早幾個月，維他奶以及新世界大跌時，自己都贏左大約５０％付出金額。其實，大市間中都會有正股大跌超５％以上，之後有２—３％回彈既情況，只要計算好自己可以承受到幾多損失，起呢Ｄ情況用ＬＣ值搏率比較高。
近排諗，自己寫blog既目的，除左記錄自己在投資上既心路歷程，也希望未來自己兩位小朋友長大後，如果有興趣了解投資，了解我，可以從中有所啟發，就算未必完全合適當時環境，也可做參考。
記得自己剛出來做野，我老豆同我講，有錢要買樓，按揭要做短年期，有錢要盡快還錢。當時自己唔識，現在有自己諗法，當然我老豆這一套應用到現在當然会吃虧。但係在我老豆既年代，係穩健精明的做法。
如果我老豆當年記錄一下他財務上的考慮，而且又傳到比我，我估我的财商可以再高D，因為可以吸收埋他當年的經驗。
我兩位小朋友還細，要讀懂我现在的文章可能要15年後。到時區塊鏈唔知是否已經成熟，已被各大行所操控，或是泡沫已爆破，成為歷史，有另外一D野投資？
2021.8.31
