2020年11月12日星期四

期權策略的死穴

在[贏粒糖輸間廠最後都可勝出]篇文章講到當時大約有90%做期權會勝利,10%會輸。如果贏,平均每次贏$1,  如果輸,平均每次輸$3。長玩下去,必然賺錢,因為expectancy 大約有3 ((0.9x1)/(0.1x3))

經過一段時間考驗,現在大約有87%會贏,13%會輸,如果贏,平均每次贏$1,如果輸,平均每次輸$3.75。看似與前幾個月既數據差不多,但個expectancy 已經大跌到1.78 ((0.87x1)/(0.13x3.75)) 下跌了40.6%。雖然長期玩下去亦都會賺錢,但唔去搵出下跌原因及早修正,到expectancy 跌至1既時候,咁到時不如直接去賭大細,慳返D心力。

自己近排留意到,每次輸錢由$3 去到$3.75其中一個原因係不採用自願性止損,而採用情緒性止損。即係明明自己制定左unrealized loss去到expected profit的3倍,但自己冇執行,反而等到let say - $5, 自己已經太恐慌,然後情緒性止損。

其實背後令自己近排猶豫執行自願性止損係因為自己早些時間經歷左自願性止損後,第二天立即由虧轉盈。而且不止一次。

而真正死穴係,正股第二日開市gap down or gap up, 所以根本冇辦法按自己設定止損,就好像前天一開市,option已經-$12 至-$15不等, 比我原定止損-$3,多好多倍,當天我冇止損,昨天已經又回復正常,由虧轉盈。

原來自己用的策略不確定性很高,其他情況不變下,只要如果輸錢,每次輸$6.7,長玩下去,只有輸錢。而是最難控制,就係平均每次輸錢的金額。

8 則留言:

  1. 其實我唸主要原因係咪槓桿問題,如果用現金接貨,佢權金就算升幾多都好,最好咪接貨,接左貨再short call番出去,變相收2次權金,call唔走就繼續call

    回覆刪除
    回覆
    1. 所以理論上,唔應該產生恐慌問題,除非無錢接先引致恐懼

      刪除
  2. 你講得啱,我自己既策略係唔接貨,因為如果要預cash接貨,回報就大減。個別一,兩隻正股下跌,還可以接貨,但好像前幾天整個板塊下跌,確實恐慌

    回覆刪除
  3. 但掉轉唸, 有時你接左貨, 變相discount買貨, 如果係D成長股, 未非一定係壞事, 早幾日恐慌呢種情況, 並非經常有的, 有時接左貨, 選高幾格再short call番出黎, 可能會連本帶利歸還

    回覆刪除
    回覆
    1. 我傾向唔將股票本身同期權撈埋諗,我認為咁樣係有少少自欺欺人... 最初做SP 或 SC 就係因為有睇法,認為唔會低過SP價或高過SC價... 到最後市場話我知自己估計係錯,如果自我安慰「只係等於用折扣價入貨」,我認為只會不斷重覆呢個過程...

      刪除
  4. 我以前試過長年做公用個股或指數short 2邊, 製造現金流很易贏錢.
    但當有一年出現超大波動走大單邊, 基本上就是還番之前賺既比佢,
    長期做short贏錢後 除非不再做, 否則只是d 錢放住係你度先,將來市場會係你度羅番.
    搞下搞下 長期回報其實不算好多,
    因為總會比你遇到大單邊, 如果走大單邊咪一早止左佢是否可行?
    但實施操作上是很難做到, 通常你一止就會相反, 因為原來波動不是想像中大,咁樣回報又打折.
    但總有一次是真的走大單邊,到發現時已太遲.

    而且做short 是沒可能發達, 後來發現做short 最好的時機不是長期做,
    是已經出現特大單邊市才開倉反而是最安全.

    但出現特大單邊市 那不如做long/期貨/孖展賺得多.
    做得short 係唔會預接貨, 否則回報太低沒意思.

    你花心機改善個系統如何從贏$1,輸$3 的機率, 成本效益是很低.
    因為當中包含幸運成份, 圍棋新手是沒可能勝過圍棋世界冠軍一局,
    但德州仆克新手是有可能勝過德州仆克世界冠軍一局.

    回覆刪除
    回覆
    1. 同意。

      所以回到基本,如何預測幾時係波幅大既市,幾時係行range。

      我而家習慣就係用SC+SP 或 LC + LP 去賭波動減少/增加;direction is irrelevant.

      刪除
  5. 多謝各位師兄意見。睇完大家討論,可以補充自己既盲點

    回覆刪除