世界上是否有絕對價值既野？不論其他野既價值高或低，絕對價值都不變？我發覺應該冇。物品冇，貨幣冇，社會地位冇，連每個人既身份角色都冇。以我有限知識，所有事，物和人都冇。所有野都只係有相對價值，沒有絕對價值。
投資上都不用多講，價值都係相對。如果唔係，就唔会時刻價格不斷變化。事情也是一樣，對同一件事既價值觀，經歷了某些其他事情後，可能也会改變。例如在小時候學音樂覺得這藝術好有意義，但出來社會一段時間後，發現揾錢有意義D，音樂價值相對低了。
不過最近也發現，自己與身份角色上相同的其他人比較時，價值也有變化。當某君覺得其他人表現不佳，某君對自己評價会提高。自己自問近排沒有大變化，理應自己既價值應該沒有大變化。我認為應該係某君"發現"了我某些價值，所以我既評價忽然高了。就像價值投資人發現了某股票在市場上被低估。但如果某君明天覺得其他人比自己表現好呢？那明天我的评價也會相對降低。
可能這就是資本主義下，看人和事的必然現象。
在物理學上有绝對溫度，在絕對0度下所以粒子停止運動，係有定義。温度有絕對，但我諗價值只有相對。
自己最初接觸期權，係因為自己不懂分析正股既價值是否合理。所以用期權SP當作“安全邊際”打算去入正股。因為前幾年都係咁升市，所以幾本上係接唔到貨。久而久之，已經當期權係投資，而不是工具。之後有了自己一段時間在期權的統計，開始了自己的策略。這策略運用了幾年包括遇上2020年頭及月頭既大波動市况，都算有正回報。雖然自己策略做到有90%赢錢，只有10輸錢，但10%輸錢金額也不少。就今年賺既同上年年尾賺既錢，今個月輸曬。
除了金錢，幾個月花在投資既時間當然冇了。其實自己也有些目標想達成，呢個月自己在想，花了心力和時間在投資[賭博]上不是很值得。而且自己也給投資控制住，真可笑。
其實勝率高既策略有個盲點，就係以為自己策略完善，忽略了輸既時候輸幾多。以為自己可以控制止損，但其實係唔得。如果策略上確定性偏高，但不是100%確定，有時候就會掉以輕心，非常危險。
對於自己高估自己有能力控制止損，其實係唔得，其實就係無知。
賭大細(不計圍骰)，買大或細，出現机会率各50%。如果賭10次，買10次大，嬴既机会係5次既机会不一定係100%。或者諗買10次大，不一定赢5次，可能係又可能唔係。那麼買1000次呢？買10000次呢？理應越買得多次，勝率或者越接近50%(只係我估計)。如果这推論正確，最開始買大既幾十次理應有可能連續輸錢。投資人如果唔係無限资金，在賭大細赢就贏$1, 輸也輸$1既情況下，也有可能玩幾十次大細就已經沒有錢了。
不確定性，或者接近肯定但不是100%確定的赌局，風險始終存在。相反如果有100%確定，那麼就不會有賭博，因為不會有對家。
在不確定性存在既情況下，我估認為自己無知比較有利。
2021.2.28
我係一個普通到不可以再普通既打工仔，即係隨便在街上揾，都一定揾到類似我嘅一般人。
所以在我眼中看到既同理解既資產，應該同大部分人理解既差不多，都係物業，股票，債，貴金屬，貨幣等等。而且對這些資產既看法應該也差不多，例如物業比較穩定，股票比較波動，自己身處地既貨幣最穩定等等。
前幾天，新經濟股大跌，舊經濟股升市。我自己持有部分新經濟股，所以這幾天心裡想法有些改變。亦都使我諗一諗價值的觀念。
我持有既Tsla大跌，其實係唔係我理解錯誤呢？Tsla價值冇變，只不過係美金這幾天相對這股票大升。係美金急升。但我自己覺得這股票前景冇變，只不過係美金因為10年国債既Yield 升左，所以急升。估計美金應該也會再升多少少，所以用Tsla買入美金。昨晚10年国債Yield 回落少許，於是"止賺"美金換返部分Tsla.
整個過程，雖然都係賣出Tsla, 之後再在低位入Tsla, 但係想法有所不同，心裡壓力也少了一些。
上兩個月開始用改良板的long option 策略，本來成效不錯。但到今個月long option既正股横行及回調，unrealized profit比上個月少了不少。其實同持正股心態有些類近，都係很難分辨幾時平倉。但係long position 又多一重考慮就係有時間既限制。要在指定時間內決定行使或平倉，其實都係短炒正股。
相反short option 既表現在同一正股下非常好，但short options 既profit唔夠 cover long option既unrealized" loss" (其實都唔係loss只係賺少左) 。
似乎要熟習long option既實際操作還有一段距離。
