2021年7月30日星期五

半杯水的啟示

 半杯水的故事大家都知道,不在乎知足與不知足的分別。知足既人睇到重有水所以開心,不知足既人睇到冇左半杯水,所以不開心。

我進入指數化投資都差不多年幾,可以話在2020年3月大跌市後才開始,所以未真正接受考驗。

指數化投資係被動式投資,大前提係承認自己不能勝過市場,所以在投資時,只会投資整個市場,即係投資整個股市及債市,不自己主動作分析而進出市場。其實操作非常簡單,其實係不用操作,買完後長期持有。用錢時就沽貨。

雖然操作非常簡單,但執行其實有點難,因為有点違反常理,尤其是自己心裡真心不覺得自己不能勝過市場的時候,也要買自己當時覺得自己不太睇好的板塊或地區。

我自己指數投資主要係買VTI, VWO, VGK, VPL, 其實已經等於全球巿埸。有幸自己在相對低位入市,所以買入到現在都是正回報。但最近中國科技股大震動,VWO跌了非常多。自己不禁会諗,為何當初不全部買VTI, 现在回報会多很多。

如果用回報先決的方式考慮,的確VWO大跌心情真不太好。但如果用風險先決方式考慮,就會興幸自己有買其他3隻ETF,所以還有正回報。可能有人話阿Q精神,這樣活得更開心,有何不可。正如積極擁有半杯水比消極擁有更幸福。



'

4 則留言:

  1. 做得指數投資既都唔會睇回報先決,要盡量買入環球的資產分散風險,以免因單一地區出事而一鋪清袋.

    回覆刪除
  2. 認同,師兄也是指數化投資者?

    回覆刪除
    回覆
    1. 我只係新手的指數投資人,上年6月才開始組成指數投資組合.盡量依照約翰伯格的理念進行投資.

      刪除
  3. 對我來說,指數投資勝價比最高,而且也是我盈利既主力部分。

    回覆刪除