賣樓（續集2）

上幾篇《賣樓》及《賣樓（續集1）》講到地產代理提出的三贏方案，其實都是大家都共贏。

讓我再重複這方案，是咁樣的：就係新買家用交吉形式買物業，成交後即日當新業主租比我租客，這樣對我來說，成交前我亦照常有租金。對租客來說，租客照常租用單位，不用搬屋費，再比錢agent 搵租盤。對新買家來說，雖然遲了入住該單位，但同時，新買家可以收住租金先。

最後講下我关於賣家的體驗。初期一切順利。直至到兩個幾月後，租客忽然揾我！租客租左我樓幾年都係揾左我兩次，平時不會搵我。今次搵我，重要係差不多到成交期搵我，一定唔係好野。

租客揾我，話間屋現在非常殘舊，油漆剝落，要求減租。我當時諗，其實租客都很聰明，在這時間提出這要求。第一，減租我只可以減一個月比佢，佢應該搵新買家傾，但佢仍搵我傾，即係想搵着數。

對於我作為賣家來說，如果租客直接同新買家講間屋又殘又舊，係有機會影響到新買家既買樓決定，新買家可能會諗，第一，呢個租租客未必係好租客。第二，間屋又殘又舊，是否做錯決定買入這單位？

對於我來說，買賣合約係交吉成交，如果成交時未能交吉，我係要賠償的。

諗到這裡，心中一寒，自己要承受風險不少。諗左一陣，於是向代理了解新買家是否已經搵到銀行做按揭，因為如果新買家未做到按揭或者最worst-case 銀行唔批他按揭，他好有可能用我未能交吉單位的理由不成交，要求我賠償。

其實租客搵我攞着數，間接提醒我這個最worst 既可能性。

向代理了解到新買家已經做好按揭，我就減左一部分租比租客，免生枝節，最後，順順利利完成成交。今次賣樓對我係個好寶貴既經驗。